Lifestyle

Prezantohen në New York rrobat që ndryshuan botën

Muzeu i Artit Modern në New York ka prezantuar ekspozitën e re, e që në fokus ka rreth 111 rroba që patën ndikim të jashtëzakonshëm në botë në 100 vjetët e fundit.

Ekspozita e titulluar “Rrobat: është moda moderne?”, eksploron këtë industri në aspektin tematik që nga fustani i vogël i zi e deri te veshjet e përditshme sportive, përcjell albinfo.ch.

“E rëndësishme për ne ishte të kemi ekspozitë, e cila flet për dizajnet si estetikë dhe modën si politikë dhe që flet për implikimet etike. Dhe, kjo ishte shumë e qartë, meqë i fliste audiencës së gjerë”, shpjegoi Paola Antoneli, kuratore e lartë e këtij muzeu.

Në rrobat me motive politike janë përfshirë maskat apo rrobat fetare, si hixhabi. E në këtë ekspozitë ndodhet edhe një bluzë sportive, në të cilën shkruan “Kepernik”, emri i personit i cili kishte shkaktuar debat kombëtar në SHBA.

Futbollisti i San Franciscos, Colin Kepernik, ishte gjunjëzuar gjatë një loje në futbollin amerikan në vitin 2016, duke injoruar himnin, gjë që pas tij e bënë edhe shumë futbollistë të tjerë, të cilët presidenti Trump së fundi i ka kritikuar. Ekspozita është e para e këtij lloji që nga viti 1944 dhe do të jetë e hapur deri më 28 janar.