Lajme
Punëtorët kosovarë deponuan mijëra ankesa gjatë pandemisë
9 mijë e 797 ankesa kanë shkuar në adresë të Kryeinspektorit të Inspektoratit të Punës nga punonjësit kosovarë vetëm gjatë periudhës së pandemisë e deri më tani në Kosovë.
Këto ankesa lidhen direkt me pakënaqësitë e punonjësve nëpër vendet e tyre të punës gjatë pandemisë. Prej të gjitha ankesave, numri më i madh vazhdon të jetë në sektorin publik, thonë nga Inspektorati i Punës.
Vesel Zhinipotoku, Drejtor i Departamentit për Planifikim Strategjik dhe Çështje Ligjore në Inspektoratin e Punës, ka thënë për Buletinin Ekonomik se numri më i madh i ankesave vjen nga të punësuarit e sektorit publik, duke përfshirë këtu edhe ankesat për pagat jubilare në këtë sektor, shkruan buletini ekonomik, përcjell Albinfo.ch.
“Në Inspektoratin e Punës –organ kompetent për shqyrtimin e ankesave janë adresuar deri më tani 9797 ankesa. Deri më tani kemi 48 ankesa për largime nga puna”, shtoi tutje Zhinipotoku.
Ndërkaq, deri në fillimin e muajit tetor nga punëtorët kosovarë ishin bërë 8 mijë e 846 ankesa në Inspektorat të Punës, ku vetëm nga sektori publik ishin gjithsej 8 mijë e 410 ankesa, kurse në sektorin privat kishin qenë 436.
Si rrjedhojë, nga muaji tetor deri më sot janë shtuar edhe 951 ankesa të reja në këtë Inspektorat për vetëm dy muaj.
“Numri total i ankesave në Inspektoratin e punës gjatë vitit 2020 është 8846 ankesa. 8410 ankesa në sektorin publik dhe 436 në sektorin privat”, kishte thënë Agim Millaku, zyrtar për informin nga Kryeinspektori i Inspektoratit të Punës në Kosovë.
Ndërkohë, vetëm 48 punonjës janë drejtuar kah Inspektorati i Punës për parashtrimin e ankesës për largim nga puna deri më tani, edhe pse në media është përfolur se edhe shumë të tjerë janë larguar nga puna nga punëdhënësit, mirëpo që nuk e kanë shfrytëzuar të drejtën e tyre për ankesë në Inspektorat.
E-Diaspora
-
Shkolla shqipe në SHBA, me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Numër rekord i turistëve amerikanë në pistat zvicerane të skive Gazeta zvicerane NZZ ka publikuar numrat e amerikanëve në vendpushimet zvicerane të skive këtë dimër, përcjell...
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit