Refugjatët afroaziatikë pushtojnë Preshevën

Në Preshevë, vetëm që nga mbrëmë kanë arritur mbi 2 mijë refugjatë, kryesisht të Lindjes së Mesme por edhe nga Afrika

Drama e refugjatëve afroaziatikë, që kaloi edhe me trazira në kufirin greko-maqedonas, është bartur tashmë në Luginën e Preshevës. Mijëra emigrant të cilët u përleshen me policinë e Maqedonisë në Gjevegjeli, kanë arritur në Preshevë, prej nga po presin të ikin në drejtim të Suboticës.

Në Preshevë, vetëm që nga mbrëmë kanë arritur mbi 2 mijë refugjatë, kryesisht të Lindjes së Mesme por edhe nga Afrika. Aty ata, pas pajisej me dokumente përkatëse vazhdojnë rrugën për në veri të Serbisë prej shikojnë dhe shfrytëzojnë mundësitë për të vazhduar rrugën drejt vendeve perëndimore.

Autoritetet e Serbisë, siç kanë thënë, për shkak fluksit ë madh të refugjatëve, transmeton Koha.net, kanë vendosur që një kamp shtesë ta ndërtojnë edhe në fshatin Miratoc, që është afër fshatit Llojan të Kumanovës. Në këto dy vendbanime shqiptare, ushtria dhe policia serbe, me personel shëndetësor po përkujdesen për këta refugjatë.

Në ndërkohë, ndërmjet Serbisë e Maqedonisë po vazhdon lufta e tërthortë me fjalë “se kush është më mikpritës” i refugjatëve.

Ndryshe, dy ditë më parë, Policia e Maqedonisë përdori gaz lotsjellës dhe plumba gome kundër emigrantëve nga Siria, Afganistani e Iraku që tentuan ta kalojnë kufirin nga Greqia në Maqedoni. Nga përdorimi i forcës u plagosën disa emigrantë, ndërsa pamjet nga Gjevgjelia pushtuan edhe mediet ndërkombëtare.