Regjisorët shqiptarë do të jenë pjesëmarrës në Munih të Gjermanisë

Festivali i filmit “Mittelmeer Filmtage 2020” ka karakter jo garues

Nga 16 deri 26 janar 2020 në Munih të Gjermanisë mbahet eventi i madh i Filmit “Mittelmeer Filmtage 2020” i organizuar nga Film Stadt Munchen, shkruan KultPlus.

Në mesin e shumë filmave nga e gjithë bota do të shfaqen edhe filmi “Çlirimi” nga regjisori Burim Haliti dhe filmi “Kthimi” nga regjisori Kastriot Abdyli, ku pas shfaqjes së filmave regjisorët Burim Haliti dhe Kastriot Abdyli do të mbajnë nga një fjalim dhe do të jenë pjesë e debatit me publikun rreth filmave të tyre dhe kinematografisë shqiptare, përcjell albinfo.ch.

Festivali i filmit “Mittelmeer Filmtage 2020” ka karakter jo garues, mirëpo prezantohen filmat e zgjedhur nga vende të ndryshme të botës, kryesisht vendet mesdhetare.

Filmi “Çlirimi” dhe “Kthimi” do të shfaqen; 17 janar 2020 Carl-Amery-Saal Munich.

Organizimi i dy filmave nga Kosova është bërë nga Lendita Musliu e cila jeton dhe vepron në Munih dhe është mbështetur financiarisht nga organizata “Besa Foundation e.V” me seli në Munih.

---