Lajme
Rritja e kostove të energjisë po varfëron 141 milionë njerëz në botë
Kriza energjetike e shkaktuar nga lufta e Rusisë në Ukrainë mund të çojë 141 milionë njerëz në mbarë botën drejt varfërisë ekstreme, sipas një raporti të publikuar në gazetën “Natyrë dhe Energji”.
Studiues nga Holanda, Mbretëria e Bashkuar, Kina dhe Shtetet e Bashkuara studiuan impaktin e rritjes së çmimeve të energjisë në 116 vende të botës dhe zbuluan se shpenzimet e konsumatorëve shtëpiakë ishin rritur deri në 4.8 për qind, me çmimet e gazit natyror dhe qymyrit që u rritën pas pushtimit rus të Ukrainës.
Sipas raportit, në vendet me të ardhura të ulëta qytetarët po përballen me mungesa të shumta ushqimore dhe me një rrezik më të madh për të hyrë në varfëri për shkak të kostove të larta të energjisë.
Ndërsa qytetarët në vendet me të ardhura të larta, edhe pse e kanë ndjerë impaktin e rritjes së kostos, kanë më shumë mundësi ta përballojnë atë me buxhetet familjare.
Disa vende janë më të ekspozuara se të tjerat. Për shembull, rritja e kostove të energjisë në Estoni, Poloni dhe Republikën Çeke ka qenë mbi mesataren globale, kryesisht sepse ato bazohen më shumë tek industritë me energji intensive. Në veçanti, Polonia mbështetet tek qymyri për 68.5 për qind të gjenerimit të energjisë.
Rritja e çmimeve të energjisë për shkak të krizës në Ukrainë ka sjellë gjithashtu një rritje të kostove të lëndëve bazë, si ushqimi dhe autoritetet financiare botërore deklarojnë se çmimet kanë pak gjasa të bien në një të ardhme të afërt./Euronews
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Ku janë restorantet ‘më të mira’ në Zvicër? Zvicra është shtëpia e disa restoranteve më të mira, shumë prej të cilave kanë fituar yjet...
-
Zvicra duhet të forcojë kontrollin e sektorit të saj financiar, paralajmëron FMN
-
Trafiku i dendur edhe sot, bllokohen autostradat zvicerane
-
‘Vallja kosovare’ jehon në Universitetin e Gjenevës (Video)
-
Në aeroportin e Bazelit anulohet fluturimi për në Prishtinë, mërgimtarët ankohen