Kosova
Sa është fitimi i bankave në Kosovë?
Në krahasim me vitin 2020, në vitin 2021 kishte rritje prej 47%
Në vitin 2021 fitimi neto i 11 bankave komerciale në Kosovë, në bazë të të dhënave nga Banka Qendrore e Kosovës, ishte rreth 117.5 milionë euro. Në krahasim me vitin 2020, kjo ishte një rritje prej mbi 47%, ndërsa në krahasim me vitin 2019, kjo ishte një rritje prej mbi 36%.
Eksperti i ekonomisë, Edison Jakurti, deklaroi se në fund të tremujorit të vitit të kaluar BQK lejoi bankat që të shpërndajnë dividenta tek aksionarët, ndërsa shuma e dividentave ishte 96.6 milionë euro, e që sipas tij kanë dalë jashtë Kosovës, meqë aksionarët janë të huaj, raporton express, përcjell Albinfo.ch.
“Pas një ndalese të përkohshme nga BQK, në tremujorin e fundit të 2021-ës bankat u lejuan të shpërndajnë dividentë tek aksionarët. Në bazë të raporteve vjetore të tyre, 5 nga 11 banka shpërndanë dividentë në vlerë prej mbi 96.6 milionë euro. Ndonëse këta miliona janë krijuar në Kosovë, për shkak se shumica e aksionarëve janë të huaj, këta miliona kanë dalë nga Kosova”, tha Jakurti.
Ai ngriti edhe një tjetër shqetësim, e që ka të bëjë me mospagesën e tatimit për devidenta, pasi Kosova është vendi i vetëm që nuk ka tatim mbi dividentë.
“A e dini se sa tatim u pagua për këto 96.6 milionë euro? Zero. Sepse Kosova është vendi i vetëm në Evropë që nuk ka tatim mbi dividentë, pavarësisht rrethanave, gjë që nuk ndodh as në Estoni e Latvi, si vendet ku në raste të caktuara nuk paguhet tatim mbi dividentë. Me fjalë të tjera, nëse ke qenë punëtor në Kosovë dhe ke marrë pagë të tatueshme mbi 80 euro – ke paguar tatim. E ke mbajtur një trafikë të vogël – ke paguar tatim. Por nëse ke qenë aksionar dhe ke pranuar miliona të ardhura nga dividenta – nuk ke paguar asnjë cent tatim. Kjo nuk është e drejtë, prandaj duhet të ndryshojë”, përfundoi Jakurti./Albinfo.ch
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
Zvicër: Të ardhurat rriten me çdo brez Çdo brez sjell vlerat, qëndrimet dhe sjelljet e veta në botën e punës, por në të...
-
Nemo kthehet në Zvicër, mirëpritet nga fansat
-
“Qeveria kantonale duhet të sjellë Eurovisionin në Cyrih”
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë