Gjellëra

Sarma me lakër

sarma me lakerPërbërësit:

•       1/2 kg mish të bluar viçi
•       1 filxhan të vogël oriz
•       1 qepë mesatare
•       ½ kg fleta te lakrës
•       1 lugë e vogël kripë
•       biber të kuq sipas shijes
•       vegetë?
•       2-3 lugë të mëdha vaj
•       1/2-1litër ujë

Përgatitja :

E merrni mishin e bluar, ia grini një qepë të imët. Ia shtoni orizin e larë.
I shtoni melmesat (kripë, biber, vegetë), i përzieni mirë. Në anën tjetër, i merrni fletët e lakrave, i zgjedhni të mira, të holla, pa shume kërcej.
Fletat i mbushni me mish dhe i mbështillni me kujdes, duke i mbyllur skajet përbrenda. Në një tenxhere mesatare i qitni pak vaj dhe i shtroni dy-tri fleta të lakrës dhe përmbi i radhitni sarmat.
I vendosni të vlojnë në temperaturë të lartë, sipër i vendosni pak vaj dhe ujë deri në gjysmë të tenxheres. Kur të vlojnë, e zbritni temperaturën, ia vendosni kapakun dhe i leni të zihen ngadalë për 30-45 min.
Në fund, sipas dëshirës, mund ta mbaroni një sos me biber të kuq dhe me miell për ta hedhur përmbi.
Po ashtu, pasi te zihen, sarmat mund t’i vendosni në tepsi dhe i futni në furrë që të rreshken.

Ju bëftë mirë!


 Të tjera nga Gjellëra