Serbët, të shqetësuar me prezencën e KFOR-it në veri

Karvani ushtarak i KFOR-it janë parë duke lëvizur në pjesën veriore të Kosovës. Zëdhënësi i KFOR-it, Vincenzo Grasso, ka deklaruar për FoNet se karvani i automjeteve të KFOR-it drejt veriut të Kosovës është pjesë e ushtrimeve të rregullta që ky trup i bën në përputhje me mandatin e vet dhe se nuk ka arsye për shqetësim, shkruan albinfo.ch

Ai ka thënë se ky është ushtrim i rregullt që ka filluar të mërkurën dhe se një konvoj i ngjashëm ka kaluar edhe nga Ferizaj për në Prizren.

Është ushtrim i rregullt për të dëshmuar gatishmërinë e KFOR-it”, ka thënë Grasso dhe ka përsëritur se nuk ka asnjë arsyeje për shqetësim. Ndërsa nënkryetari i Listës Serbe, Igor Simiq, deklaroi se nëse KFOR kujdeset për sigurinë e serbëve, por edhe mandatin që i është besuar nga Rezoluta 1244, ai duhet t’i drejtojë forcat e veta në jug dhe në zonat serbe, dhe jo ndaj Serbisë.