Serbisë, kushte për të hyrë në BE

Nuk do të jetë kusht vetëm Kosova për Serbinë para se të fillojnë negociatat për anëtarësimin në BE

Para se Bundestagu gjerman ta marrë vendimin që të fillojnë  negociatat për anëtarësim në BE, Serbia duhet t’i plotësojë edhe shtatë kushte tjera.

Njëri prej tyre është edhe zbardhja e sulmit në ambasadën gjermane dhe përcaktimi i qartë i krimeve, siç është ai i Srebrenicës, ka deklaruar sot në Beograd zyrtari lartë i partisë së kancelares Angela Merkel, Andreas Schockenhoff.

Ky i fundit tha se kur është fjala për Kosovën, Gjermania pret që Serbia, para nisjes së negociatave për pranimin si anëtare në Bashkimin Evropian, të nënshkruaj me Kosovën deklaratën e përbashkët juridiko-obliguese e cila do të zbatohej deri në fund të negociatave për pranim.

Zyrtari gjerman ka bërë publike shtatë pikat që i pret Gjermania nga Serbia në rrugën drejtë BE-së, duke theksuar se nuk është fjala për kurrfarë kërkesash të reja, transmeton RTK.

Deri në marrjen vendimit mbi fillimin e negociatave, Serbia duhet ta përmbush Planin e aksionit i cili në fillimit të vitit 2011 e ka lidhur me Komisionin Evropian.

Para marrjes së vendimit në Parlamentin gjerman për nisjen e negociatave me Serbinë, pritet realizimi i plotë i rezultateve të deritashme në procesin e dialogut ndërmjet Beogradit e Prishtinës dhe marrëvesgja për vazhdimin e dialogut jashtë temave tani më të parashikuara, sikurse janë energjetika dhe telekomunikacioni.

Bundestagu pret në vazhdimësi fillimin e heqjes së strukturave paralele në aparatin e sigurisë e të administratës si dhe të financimin e tyre në KosovëPo ashtu Beogradi duhet edhe më shumë ta përdorë ndikimin e vet dhe të ndikojë në vazhdimësi tek serbët në veri të Kosovës që aktivisht të bashkëpunojnë me EULEX-in dhe KFOR-in.

Me përafrimin e anëtarësisë nuk guxon të barten konfliktet e pazgjidhura në BE. Serbia para negociatave lypset të tregojë vullnet evident se është e gatshme të arrijë normalizimin juridikisht obligues të raporteve me Kosovën me perspektivën se të dy anëtaret me të drejta të barabarta në kuptimin e traktatit të BE, mund t’i realizojnë të drejtat dhe detyrimet e veta pavarësisht nga njëra tjetra dhe bashkërisht.