Shiriti problematik u implantua edhe në Spitalin Universitar të Bernës

Në Inselspital Bern ai u implantua gjithsej 36 herë. Spitali ka nisur një hetim të brendshëm. Deri tani nuk janë zbuluar vdekje të pazakonta

Cardioband-i kontrovers nuk u përdor vetëm në departamentin e kirurgjisë kardiake të Spitalit Universitar të Zurich-ut (USZ), ku javën e kaluar u njoftua skandali me mbi 70 të vdekur si psojë e përdorimit të tij, transmeton albinfo.ch.

Në Inselspital Bern (Spitali Universitar), ai u implantua gjithsej 36 herë, raportoi gazeta “NZZ am Sonntag”. Prandaj, Inselspital ka nisur një hetim të brendshëm. Deri tni nuk janë zbuluar vdekje të pazakonta. Spitali nuk pranoi të komentojë mbi ndërlikimet e mundshme, sipas gazetës.

Në Lucernë, shiriti u përdor dy herë, shumë kohë pasi ishin botuar raportet kritike për të. Spitali i tha gazetës se nuk njiheshin ndërlikime. Cardioband vazhdon të listohet si një metodë trajtimi edhe në Qendrën e Zemrës Ticino.

As Qendra e Zemrës dhe as spitali në Milano, ku punon ish-kirurgu kardiak i USZ Francesco Maisano, nuk iu përgjigjën një kërkese për koment, sipas gazetës.

---