Shqipëria
Shqipëria destinacion turistik, publikohet në Holandë guida e parë turistike
Jo shumë kohë më parë, Shqipëria ishte një pjesë e panjohur e Europës, e mbyllur nga bota e jashtme, por tani është një destinacion turistik me vende të bukura e të papërshkrueshme, njerëz mikpritës dhe monumente e kulturës.
Këto janë disa nga fjalët që përshkruhen në guidën e parë turistike për Shqipërinë e shkruar në gjuhën holandeze.
E përgatitur nga Yvonne van Osch, e specializuar në art, kulturë, shkencë dhe udhëtime, kopja e parë e guidës turistike iu dorëzua edhe ambasadores së Shqipërisë në Holandë, Adia Sakiqi, gjatë një aktiviteti që u zhvillua në librarinë Pied a Terre, në Amsterdam.
Në guidë autorja rrëfen me shumë pasion dhe dashuri arsyet se pse duhet vizituar Shqipëria nga veriu në jug, si një ftesë për qytetarët e saj holandezë.
“Ju mund të shijoni ecje të mrekullueshme në Alpet Shqiptare. Gjithashtu në Peshkopi, është e bukur të ecësh në ultësirën e Korabit (2753 metra) dhe të shikosh burimet e tij. Ose në jug në luginën e Vjosës pranë Përmetit. Një udhëtim me familjen do të jetë një eksperiencë e paharrueshme, po ashtu edhe për kulinarinë. Kushdo që është i njohur me historinë e këtij vendi në shumë aspekte, do të mbetet i habitur nga mikpritja dhe dashamirësia e këtij populli”, thekson autorja në guidë.
Duke e cilësuar një bukuri të papërshkrueshme peizazhin e paprekur shqiptar të rrethuar me pyje të dendura dhe livadhet alpine mes madhështisë misterioze të Alpeve Shqiptare, ajo shprehet se “ekziston edhe një shumëllojshmëri e pasur e mundësive të plazhit, nga riviera luksoze në jug, deri tek thjeshtësia e këndshme në veri. Qytetet dhe fshatrat, ndajnë bujarisht thesaret e tyre historike”, përshkruan autorja e kësaj guide, shkruan atsh, përcjell albinfo.ch.
Ndërsa renditen disa arsye se përse duhet vizituar Shqipëria, në guidë përshkruhen edhe qytetet dhe destinacionet që mund të eksplorohen në Shqipëri, që nga Thethi, Valbona, Parku Divjakë-Karavasta, Voskopoja, Syri i Kaltër, Përmeti, Kruja, Bylisi, Tirana si dhe jugu i vendit me plazhet mahnitëse.
“Ky vend që të lë pa frymë, vetëm duhet që të zbulohet nga të gjithë”, thekson autorja e kësaj guide.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Amnesty International kritikon Zvicrën Grupi ndërkombëtar për të drejtat e njeriut, Amnesty International, i cili merret me luftën në Ukrainë...
-
Bazel: Dënohet me burgim të përjetshëm shqiptari për vrasjen e dyfishtë
-
SWISS do të rifillojë fluturimet për në Tel-Aviv të premten
-
Mungesa e banesave në Cyrih dhe qiratë e larta nxisin trendin e ‘sublet’
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër