Shqipëria rrit masat e sigurisë

Ministri i Transportit, Edmond Haxhinasto urdhëroi “Autoritetin Shtetëror për Sigurinë në Porte”, për testimin e nivelit të sigurisë në portet e vendit

????????????????????????????????????

Pas sulmeve terroriste në Bruksel, Qeveria e Shqipërisë ka urdhëruar rritjen e masave të sigurisë në të gjitha hyrje daljet e vendit. Prania e shtuar e policisë dhe kontrollet me qenë -antieksploziv janë parë në aeroportin e Rinsit, ndërsa kontrolle shtesë ka edhe në portet detare shqiptare.

Burime zyrtare bëjnë të ditur se ka qenë ministri i Transporteve, Edmond Haxhinasto që ka urdhëruar teste sigurie në portet e Durrësit, Vlorës dhe Shëngjinit. Në kuadër të masave shtesë parashikohet rritja e kontrolleve për hyrje-daljet e individëve që zgjedhin rrugët detare për të udhëtuar dhe automjeteve të tyre, raporton TCH.

Ditën e sulmeve në kryeqytetin belg, Policia e Shtetit vendosi rritjen e masave të sigurisë në aeroportin e Rinasit dhe ngritjen e nivelit të rrezikut në ngjyrën portokalli.

Ministri i Transportit, Edmond Haxhinasto urdhëroi autoritetin Shtetëror për Sigurinë në Porte, për testimin e nivelit të sigurisë në portet e vendit, për të parë reagimin në kohë të forcave të sigurisë dhe për të parandaluar ngjarje që cenojnë sigurinë. Ndër masat që kanë filluar të aplikohen, janë shtimi i kontrolleve të hyrje daljeve të individëve të ndryshëm, kontrolle të imtësishme të mjeteve dhe të pasagjerëve.