Muzikë
Slloveni: Koncert për mërgimtarë “Ditët e kulturës shqiptare”
Me një koncert për mërgimtarë nisën “Ditët e kulturës shqiptare” në Kopër të Sllovenisë, të cilat u organizuan nga Ministria e Diasporës dhe Investimeve Strategjike dhe shoqata “Iliria”.
Në simpoziumin e pestë, i cili u mbajt në Qendrën historike të Koprit, u promovua numri i shtatë i revistës “Gjuha e vjetër shqipe në Istër”.
Simpoziumin e hapi Heset Ahmeti, kryetar i shoqatës “Iliria”, i cili foli për botimin e kësaj reviste.
Po ashtu, panelistët -ambasadori i Shqipërisë, z.Pëllumb Qazimi, zv. ambasadori i Gjermanisë, dr. Bernhart Hauer, albanologu Paolo Muner, Ndue Lazri, shkrimtar, dhe Gëzim Muçolli dhe slloveni Peter Štoka referuan për gjuhën shqipe dhe toponimet shqiptare në Istër.
U vlerësua shumë i rëndësishëm botimi për herë të parë I doreshkrimit të albanologut slloven Jernej Kopitar në vitin 1829.
Vlen të theksohet se z. Shtoka ka dhënë një kontribut të rëndësishëm për zbulimin e gjurmëve të hershme shqiptare në Slloveni.
Në këtë simpozium morën pjesë edhe ambasadori i Kosovës në Slloveni, z. Avni Katrati, përfaqësues të shoqatave në Slloveni, të atyre në Itali etj.
Pas simpoziumit, në teatrin e qytetit, në prani të shumë personaliteteve të jetës politike e kulturore, si kryetarit të komunës Koprit, dhe shumë bashkatdhetarëve u dha koncerti i tenorit të njohur shqiptar Kastriot Tusha. Tenori Tusha, i cili u përcoll nga pianistja Lule Elezi, interpretoi pjesë të zgjedhura të kompozimeve shqiptare. /Albinfo.ch.
E-Diaspora
-
Gjykimi i shqiptarit për vrasjen e dyfishtë në Bazel, nën masa të forta sigurie Ai është dërguar në Gjykatën Penale mëngjesin e së hënës me një automjet të blinduar të...
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
-
Artistet kosovare, Agona Shporta e Tringa Sadiku, më 2 maj, me koncert në Cyrih
-
Taravari: Asnjë proces i rëndësishëm për vendin nuk është bërë pa diasporën
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt i Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët