St.Galleni heq detyrimin e vaksinimit në kanton

Parashikuar nga rishikimi i ligjit të shëndetësisë: nuk do të duhet të vaksinoheni kundër vullnetit tuaj - Vendimi do të zbatohet edhe në rast të ngjarjeve të tilla si pandemia Covid-19

Qeveria e St. Gallenit ka eliminuar detyrimin e vaksinimit të parashikuar nga rishikimi i ligjit të shëndetësisë. Kantoni e njoftoi këtë të premten, duke shtuar se kjo masë ishte hasur në kundërshtim të gjerë gjatë procedurës së konsultimit.

Fillimisht, qeveria e St. Gallenit planifikoi, në bazë të ligjit federal mbi epidemitë, të ishte në gjendje të shpallte disa vaksinime të detyrueshme nëse ishte e nevojshme.

Një legjislacion i tillë do t’i lejonte qeverisë të parashikonte vaksinim të detyrueshëm në rast rreziku serioz dhe për grupet e popullsisë në rrezik.

Gjatë konsultimit, çështja u ngrit nga kundërshtarët e vaksinimeve. Më 14 shkurt, në St. Gallen u zhvilluan dy demonstrata kundër detyrimit të vaksinimit, shkruan RSI.

Njëra u drejtua nga bartësit e kambanave, ndërsa tjetra u organizua nga lëvizja Mass-Voll e lindur gjatë pandemisë Covid, qëllimi i së cilës ishte të luftonte kundër diskriminimit ndaj atyre që kundërshtonin vaksinimin, transmeton albinfo.ch.

---