Lajme
Studimi Gjerman: Çdo i dyti pacientë me Covid-19 që ishte në respirator, ka vdekur
Sipas një studimi gjerman, thuajse çdo i dyti që ishte duke u trajtuar me respirator si pasoj e infektimit me Covid-19, ka ndërruar jetë. Shkalla e vdekshmërisë tek kjo kategori e pacientëve është rritur në 53 për qind.
Këto të dhëna janë marrë nga gjithsej 10 mijë pacientë që qëndrojnë në 930 spitale gjermane midis 26 shkurtit dhe 19 prillit që u analizuan nga Shoqata Ndërdisiplinore Gjermane për Kujdesin Intensiv dhe Mjekësi Emergjente, Universiteti Teknik i Berlinit dhe një degë e grupit të sigurimeve shëndetësore AOK, WidO, shkruan local.de, përcjell albinfo.ch.
Sipas këtij studimi, në bazë të gjinisë, vdekshmëria më e lartë paraqitej tek pacientët meshkuj 25 për qind, krahasuar me pacientet femra 19 për qind.
Ndërsa pacientët e moshuar ishin dukshëm më të prekshëm dhe 27 për qind e pacientëve në të 70-at e tyre vdiqën, dhe 38 për qind e atyre mbi 80 nuk arritën të shërohen.
“Shkalla e lartë e vdekshmërisë tregon qartë se një numër relativisht i madh i pacientëve me sëmundje të rëndë janë trajtuar në spitale. Një rrjedhë e tillë serioze e sëmundjes ka prekur më së shumti njerëz të moshuar dhe njerëz, shëndeti i të cilëve tashmë është kompromentuar, por gjithashtu ka ndodhur edhe me pacientët më të rinj”, tha Juergen Klauber, drejtor i ËidO-së.
Nga 10.021 pacientë, 1,727 ishin vendosur në një respirator. Dhe ndërsa burrat u vunë në respirator dy herë më shpesh, vdekshmëria u shpërnda në mënyrë të ngjashme midis gjinive, raporton studimi.
Me sezonin turistik në zhvillim, zyrtarët shtetëror gjermanë kanë filluar të shqetësohen pasi numri i të infektuarve ka filluar të rritet gjatë javëve të fundit.
E-Diaspora
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
5 monumente të reja në Europë në nder të Heroit Kombëtar
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut