Trupat amerikane të KFOR-it po patrullojnë afër Leposaviqit

Foto FB: NATO Kosovo Force - KFOR

Misioni i NATO-s në Kosovë, KFOR, ka njoftuar se ushtarët amerikanë po patrullojnë afër Leposaviqit.

Njoftimi përmes rrjetit social Facebook ka ardhur pas konferencës së kryeministrit të Kosovës, Albin Kurtit, i cili ka deklaruar se Milan Radoiçiqi po mban takime me shërbimin sekret serb dhe se po fsheh anëtarë të organizatave terroriste, duke planifikuar sulme të tjera në Kosovë.

“KFOR-i është plotësisht i fokusuar në zbatimin ditor të mandatit të tij – bazuar në rezolutën 1244 – për të ofruar mjedis të sigurt për të gjitha komunitetet që jetojnë në Kosovë, dhe të sigurojë lirinë e lëvizjes”, thuhet në njoftim, përcjell albinfo.ch.