Lajme

‘Twitter’, me qasjen e re “mbështetu në fakte”

Përveç diskutimit të pretendimeve mashtruese të bëra nga Presidenti i SHBA-së Donald Trump në lidhje me fletëvotimet me postë këtë javë, Twitter ka shtuar etiketat për kontrollimin e fakteve, që nga prezantimi i alarmeve në fillim të këtij muaji, kryesisht në postimet në lidhje me koronavirusin.

Kompania nuk pret të ketë nevojë për personel shtesë për ndërmarrjen, tha të shtunën zëdhënësi i Twitter-it, Liz Kelley, shkruan reuters, përcjell albinfo.ch.

Platformat e mediave sociale kanë qenë nën një kontroll të ashpër mbi mënyrën se si ato përhapin me shpejtësi informacione të rreme dhe lloje të tjera të përmbajtjes abuzive, kjo pasi Rusia shfrytëzoi rrjetet për të ndërhyrë në zgjedhjet presidenciale të SHBA-së më 2016.

Grupet e kontrollit të fakteve thanë që ata mirëpritën qasjen e re të Twitter, i cili shton një etiketë “merr faktet” që lidhet me më shumë informacion, mirëpo ata thanë se shpresojnë që kompania do të përcaktonte më qartë metodologjinë dhe arsyetimin e saj.

‘ Twitter’  bëri të ditur në maj se politika e saj e re për të shtuar etiketat e kontrollit të fakteve për informacione të diskutueshme ose mashtruese të koronavirusit do të zgjerohej në tema të tjera. Kelley tha që ekipi po vazhdon të zgjerojë përpjekjet për të përfshirë tema të tjera, duke u dhënë përparësi pretendimeve që mund të shkaktojnë dezinformim, përcjell tutje albinfo.ch.