Lajme

UEFA merr vendim për ndeshjen mes Kosovës dhe Rusisë

Kosova do të luajë kundër Rusisë në konkurrencën e femrave në futboll, mirëpo pas shumë diskutimesh për vendin se ku do të zhvillohet kjo ndeshje, UEFA ka ardhur me një vendim.

Ata kanë vendosur që kjo ndeshje të zhvillohet në një terren neutral, arsye për këtë po del që të jetë, sipas tyre, siguria.

Ndeshja do të luhet në Brita-Arena, Wisbaden të Gjermanisë. Kjo ndeshje ishte paraparë të zhvillohej në Prishtinë, më 4 tetor 2019, mirëpo prapë për shkaqe sigurie ishte shtyrë. Kurse, sipas Flashscore, kjo ndeshje do të luhet më 6 mars, nga ora 18:00, kurse fituesi i grupit dhe vendi i dytë do të kalojnë në fazën e ‘play-offit’.

Kosova është pjesë e Grupit A dhe renditet në vendin e katërt, por me pikë të barabarta me Rusinë, që është në vendin e tretë, pra me nga 6 pikë, shkruan indeksonline, përcjell albinfo.ch.