Uragani shqiptar Tefik Bajrami angazhohet për bashkëjetesën paqësore në Zvicër

Kampioni botëror shqiptar i boksit, Tefik Bajrami dhe Kirgiz Birimkulov, një ish gazetar i televizionit të Kirgistanit, duan të hapin shtigje të reja në Zvicrën Qendrore. Me këtë rast, mediat sociale do të shërbejnë si një mjet për qëllimin.

Rreth një e katërta e popullsisë në këtë vend ka pasaportë të huaj. Nga njëra anë, njerëzit që qëndrojnë pas këtij numri nuk kanë zë politik. Dhe nga ana tjetër, ata zakonisht flasin rrallë. Edhe pse tre të katërtat e të tjerëve negocojnë çështje të gjalla të migracionit.

Mbi të gjitha, klubi i themeluar në Lucern në fund të majit dëshiron të ndryshojë “së bashku – Zusammen”. kryetari, ish gazetari televiziv Kairat Birimkulov, dhe kolegët e tij mbështeten në mediat sociale si platformë për motivim, inovacion dhe implementim. Sipas statuteve, shoqata e re dëshiron të promovojë “bashkëjetesën paqësore dhe të respektueshme të kulturave të ndryshme në një atmosferë pozitive”. Dhe në Zvicrën Qendrore kjo të ketë një peshë të rëndë.

“Diversiteti kulturor në Zvicër është unik,” thotë Birimukulov, i cili jeton në Kriens me familjen e tij për dhjetë vite, por “potencialet janë të ulëta”. Ajo që thotë ish gazetari i Kirgistanit dhe mbikëqyrësi aktual për refugjatë, është kjo: “E para, emigrantët e zviceranët dhe anasjelltas, njihen shumë pak mes vete dhe së dyti, ata nuk mund të shfrytëzojnë mundësitë e shkëmbimit ndërkulturor”.

“Është mirë kur zviceranët dhe të huajt përgatisin kuzhinën së bashku, vallëzojnë  apo shetisin”, pohon kryetari i “së bashku”, “por kjo nuk është e mjaftueshme.” Qëllimi i përgjithshëm është që të krijohet një zë që dëgjohet, për të njohur njëri-tjetrin dhe për të shkëmbyer ide, thekson Birimkulov për “Neue Luzerner Zeitung”, përcjell Albinfo.ch. Dhe kjo është më e lehtë dhe më e shpejtë sesa format dhe strukturat e zakonshme nëpërmjet mediave sociale.

Birimkulov e di se për çka është duke folur. Ai është nismëtar i përpjekjes së suksesshme në Luzern për të futur emigrantët me mbrëmje karaoke në gjuhën gjermane. Dhe vitin e kaluar, së bashku me kampionin e boksit nga Lucerni, Tefik “Uragan” Bajrami, ai mbajti një manifestim në shkollën e arteve marciale. Tefiki, shqiptar nga Kosova, i cili tani e një çerek shekulli është duke u angazhuar në jetën shoqërore zvicerane, është gjithashtu i përfshirë si zëvendëskryetar në «së bashku». Anëtarët e tjerë të bordit që janë duke punuar janë edhe mjeku kantonal në Lucern nga Sri Lanka, Sri Sivasubramaniam dhe banori i Kriensit Ivan Buholzer.

Birimkulov dhe Bajrami janë të bindur se integrimi dhe shkëmbimi në lidhje me sportin dhe muzikën – veçanërisht për njerëzit që nuk kanë qasje të lehtë – është një mënyrë premtuese. Ata gjithashtu shpresojnë për ide të shumta që do të çojnë në ngjarje specifike – nga ngjarjet sportive dhe festivalet muzikore në ekspozita dhe shfaqje teatrore. Mediat sociale shërbejnë si mjet për t’i dhënë fund dhe nuk duhet të zëvendësojnë aktivitetet konkrete. “Tani jemi të pranishëm në Facebook dhe Twitter (#myCH#zusammen), do të pasojë edhe prania në Youtube dhe Instagram”, thotë Birimkulov.

Pavarësisht angazhimit të tyre: “Ne nuk bëjmë politikë”, theksojnë njëzëri Birimkulov dhe Tefiku, “ne duam të sigurohemi se nga aktivitetet tona në vend do të mësojnë dhe përfitojnë migrantët dhe zviceranët”. Kjo do të jetë e dobishme për gjithë shoqërinë në përgjithësi. Dhe sjell në relaksimin e diskutimeve rreth migracionit, i cili udhëhiqet fuqishëm nga paragjykimet. “Kjo nuk do të duhej të ishte kështu,” spjegojnë dy anëtarët e komisionit për migrim të qytetit të Lucernit, “ka aq shumë gjera për të zbuluar së bashku”.

Projekti tashmë është duke u ndjekur me interes. “Reporterët pa Kufij” e mbështesin atë me një shumë fillestare. Është shumë e mundur që shembulli i Lucernit të bëhet shkollë . Nga Lucerni në Zvicrën Qendrore dhe më gjerë.