Lajme
Ushtria daneze teston aeroplanët elektrikë
Ushtria daneze të enjten testoi aeroplanët e saj të rinj që janë plotësisht elektrik.
Danezët pretendojnë se aeroplanët elektrikë janë më të lirë për përdorim dhe se teknologjia e tyre ekologjike ka potencial të madh, transmeton Telegrafi.
Dy aeroplanët Velis Electro janë siguruar nga prodhuesi slloven Pipistrela, duke u bërë aeroplani i parë ushtarak në botë që përdor këtë teknologji.
“Aeroplanët nuk e ndotin ajrin, janë shumë të qetë (nuk bëjnë zhurmë) dhe janë më të lirë për përdorim. Kjo teknologji ka perspektivë kur teknologjia të jetë akoma më e zhvilluar”, ka deklaruar majori Casper Borge Nielsen nga Ministria daneze e Mbrojtjes.
Danimarka mori aeroplanët për “leasing” për dy vjet, në vend se t’i blejë për të shmangur rrezikun që posedon pajisjet që nuk mund t’i përdorë.
Gjatë periudhës dyvjeçare, ushtria do të tentojë të gjejë anët pozitive, por edhe të metat e teknologjisë së aeroplanëve elektrikë – me qëllim që të mund të vendosin më lehtë nëse do t’i përdorin për të ardhmen.
Pilotët pas fluturimit me aeroplanët elektrikë që i vë në punë bateria gjigante, thonë se janë të emocionuar dhe të lumtur me punën që është bërë me këto fluturake.
Zhvillimin e aeroplanëve elektrikë po e ndjek edhe SHBA-ja, por kapacitetet e baterive aktualisht nuk janë të mjaftueshme për Forcat Ajrore të Shteteve të Bashkuara.
Aeroplanët elektrikë zhvillohen qysh nga vitet e 70-ta, por problem të madh kanë paraqitur bateritë. Kalimi në aeroplanë elektrikë ka qenë shumë hap i rëndësishëm në luftën kundër ndotjes së ajrit. /Euronews
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën