Valbona me pamje mahnitëse, tani edhe qendër turistike dimërore

Është bërë e ditur se Valbona, llogaritet si perla e Aleve Shqiptare dhe do të ketë një qendër zhvillimi për turizmin.

Fondi Shqiptar i Zhvillimit po zbaton projektin, për ndërtimin e kësaj qendre zhvillimi.

Thuhet se kjo qendër do të shtrihet në 4180 m2 hapësirë dhe strukturat kryesore janë 2 ndërtesa me destinacion zyra ku do të ofrohet informacion për turistët, bar-restorant, akomodim, ambient të ndihmës së shpejtë, sauna dhe një kënd lojrash për fëmijë, shkruan atsh.

Gjithashtu, janë ndërtuar 4 shtëpiza të reja druri (bungalows) dhe falë zbatimit të këtij projekti ofrohet një hapësirë komunikimi, çlodhjeje, argëtimi, turizmi, për të gjitha grupmoshat.

Duhet theksuar se Valbona është një fshat në Alpet Shqiptare, 26 km nga Bajram Curri, Rrethi i Tropojës. Fshati është një ndër atraksionet më të preferuara turistike në Shqipërinë e veriut, përcjell albinfo.ch.