Bota
Vendi i naftës nuk ka naftë për banorët e vet
Nafta në Venezuelë është thuajse falas, por për ta bërë këtë, duhet të pritet në radhë për ditë të tëra
Për shumë venezuelas, nafta është një e drejtë që vjen me lindjen në vendin e bekuar me rezervat më të mëdha të naftës së papërpunuar në botë.
Pavarësisht hiper-inflacionit, qeveria e Venezuelës nuk e ka prekur asnjëherë çmimin e naftës.
Sot, në mesin e krizës ekonomike, mbushja e një rezervuari me naftë në Venezuelë është thuajse falas, por për ta bërë këtë, duhet të pritet në radhë për ditë të tëra.
Gjatë dy javëve të fundit, njerëz nga shumë shtete në Venezuelë, kanë folur për mungesa nafte. Kjo nuk është hera e parë që kjo ndodh, por krizat e mëparshme vinin për shkak të keq-shpërndarjes dhe mungesës së efikasitetit logjistik.
Këtë radhë, ndërsa qytetarët e gjejnë veten në radhë për ditë të tëra në pikat e karburantit, shumëkush ka filluar të druajë se thjeshtë nuk ka naftë mjaftueshëm për të gjithë.
Në 1989 pati përleshje të ashpra në Venezuelë pasi qeveria e atëhershme vendosi t’i jepte fund subvencioneve të naftës, që i kishte mbajtur çmimet nën nivelin e tregut, transmeton “TCH”.
Që atëherë, rritja e çmimit të naftës ka qenë thuajse tabu për politikanët në vend. 30 vite më vonë dhe pas krizës së thellë ekonomike nën Maduron, nafta është ende e lirë, por prodhimi ka rënë në nivele të paregjistruara që nga 1940, përcjell albinfo.ch.
Në prill 2019, Venezuela prodhonte 830 mijë fuçi në ditë, ndërsa në fillim të vitit shifra ishte 1.2 milionë.
Për Maduron, kjo krizë nafte, vjen për faj të korrupsionit të ish-menaxherëve dhe sanksioneve amerikane.
Për opozitën, kjo është prova se Maduro nuk është i aftë të drejtojë vendin.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?