Lajme

Zvicër: Omicron detyron anulimin e lojërave dimërore të studentëve

Varianti i ri i virusit Covid-19, i quajtur Omicron, ka detyruar anulimin e një eventi të lojërave dimërore studentore, vetëm 12 ditë përpara se ky event të fillonte në Zvicër. Universiada Dimërore të Lucernit 2021, ngjarja më e madhe sportive dimërore pranë Lojërave Olimpike Dimërore, tha të hënën se nuk mund të fillonte më 11 dhjetor, përcjell albinfo.ch.

Ky është viti i dytë radhazi që pandemia e koronavirusit ndalon edicionin e 30-të të eventit, i cili duhej të tërhiqte 1600 studentë konkurrentë nga 50 vende.

Pasi u shty nga viti i kaluar, Universiada Dimërore ishte caktuar të zhvillohej nga 11-21 dhjetor në Zvicrën qendrore dhe lindore. Por, kufizimet e fundit të udhëtimit, të shpallura javën e kaluar, e kanë bërë përsëri jopraktike organizimin e një ngjarjeje që tërheq konkurrentë, spektatorë dhe media nga shumë vende, përcjell tutje albinfo.ch.


LAJME INTERESANTE NGA INTERNETI