Uncategorized

Zvicra dëshiron çerekfinalen në Botëror

Zvicra do të përballet me Suedinë nga ora 16:00, dhe në çerekfinale takohet me fituesin e takimit Kolumbi-Angli

Sot nga ora 16:00, Zvicra do të përballet me Suedinë në 1/8 e finales së Kampionatit Botëror në Rusi, shkruan albinfo.ch.

Zvicra shpreson të arrijë në çerekfinale për herë të parë nga viti 1954, derisa Suedia për herë të parë nga viti 1994.

Kjo është përballja e 27-të ndërmjet tyre, derisa kanë nga dhjetë fitore secila, dhe shtatë takime kanë përfunduar pa fitues. Hera e fundit që janë përballur këto dy kombëtare është viti 2002.

Te Zvicra do të mungojnë Fabian Schar dhe Stephan Lichtstenier për shkak të kartonëve, derisa kapiten do të jetë Valon Behrami. “Jam shumë i nderuar, por më shumë i nderuar që e veshi këtë fanellë”, ishte shprehur Behrami.

Katërshja shqiptare Xhaka, Xhemaili, Behrami dhe Shaqiri pritet të jenë nga fillimi edhe në këtë përballje, ashtu si në tri takimet e fazës së grupeve, ku Zvicra barazoi me Brazilin, mundi Serbinë dhe barazoi me Kosta Rikën.