Shqipëria
’Plisat’ ndihmojnë të prekurit nga tërmeti në Shqipëri
Në sheshin “Zahir Pajaziti” në Prishtinë sot ka filluar aksioni humanitar i organizuar nga “Plisat”, për t’i ndihmuar banorët e Shqipërisë që janë prekur nga tërmet.
![](https://www.albinfo.ch/wp-content/uploads/2019/11/plisat-ndihme-shqiperise-261119-587x330.jpg)
Me këtë rast qytetarët e Kosovës në shenjë solidarizimi ndihmuan me veshmbathje, ushqim dhe të holla.
Autobusi i parë nga kompania transportuese “Dita”, me shumë vullnetarë, janë nisur për t’i dërguar ndihmat në Shqipëri.
Përfaqësuesi i Plisave, njëherësh organizatori i aksionit humanitar, Kushtrim Ramadani, tha se aksioni humanitar do të vazhdojë nesër në orët e para të mëngjesit.
Qytetari nga Prishtina, Afrim Kqiku, mirëpret aksionin për mbledhjen e ndihmave për vëllezërit tanë në Shqipëri.
Nga kompania transportuese e autobusëve “Dita”, Hajdar Dili, u bëri thirrje të gjithë qytetarëve t’i bashkëngjiten këtij aksioni për të ndihmuar personat e prekur nga tërmeti në Shqipëri.
Ndryshe, të paktën 18 persona kanë humbur jetën dhe mbi 600 të tjerë janë plagosur, si pasojë e tërmetit të fuqishëm që goditi sot në mëngjes Shqipërinë. Presidenti Hashim Thaçi të mërkurën e ka shpallur ditë zie në Kosovë, ndërsa Qeveria e Kosovës ka ndarë 500 mijë euro ndihma për Shqipërinë, shkruan KP, përcjell albinfo.ch.
Ndërkohë drejt Shqipërisë janë dërguar për ndihmë edhe Policia e Kosovës dhe Forca e Sigurisë së Kosovës.
Tërmeti i sotëm në Shqipëri prej 6.3 ballë të Rihterit është më i fuqishmi në 30 vjetët e fundit.
Të ngjashme
Të tjera nga Shqipëria
E-Diaspora
-
Ndahet nga jeta psikiatri, Dr. med Sami Dalipi Ka vdekur sot në moshën 62 vjeçare, spitalin e Lucernit Dr. Sami Dalipi, mjek dhe doktor...
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
Jeta në Zvicër
-
Ish-politikani zviceran, Leuenberger, për herë të pestë në Kosovë Ish-politikani zviceran, mbështetës i madh i shqiptarëve në Zvicër dhe në Kosovë, Ueli Leuenberger, në shënimin...
-
Gati 100 postierë dhe korrierë në vit sulmohen nga qentë, në Zvicër
-
84 delegacione mbështesin deklaratën përfundimtare të samitit të Ukrainës
-
Eksperimenti i votimit elektronik në Zvicër: Sa është i sigurt?
-
Berna dhe rrethinat e saj, me ndërprerje të madhe të energjisë të dielën