24 vjet nga masakra e familjes Berisha

24 vjet më parë, në Suharekë, jo më larg se 100 metra nga stacioni policor ndodheshin mbi 50 anëtarë të familjes Berisha. Ata u dëbuan nga shtëpitë e tyre, për t’u grumbulluar pastaj në picerinë në afërsi të shtëpive nga ana e forcave serbe.

Pas grumbullimit të grave, burrave e fëmijëve, policia serbe shtiu me të gjithë armatimin në drejtim të tyre, pastaj dogjën edhe lokalin.

Të mbijetuar nga masakra janë Vjollca Berisha me të birin Gramozin dhe Shyhrete Berisha. Ata shpëtuan pasi u hodhën nga kamioni që bartte kufomat e familjarëve të tyre.

Më shumë se dy dekada më pas, ende nuk janë gjetur trupat e të gjithë familjarëve.

---