Tema nga terreni
Albin Kurti: mërgata të orientohet më tepër në zhvillimin e më pak në konsum
"Ka një mit që mërgata nuk po sjell para në Kosovë si përpara. Kjo nuk është e vërtetë", tha ai.
Lideri i Vetëvendosjes, Albin Kurti ka mbajtur dje në mbrëmje një ligjëratë të gjatë në Universitetin e St. Gallenit në Zvicër para studentëve shqiptarë.
Albin Kurti tha të ketë ardhur me ftesë të studentëve shqiptarë të universitetit të St. Gallenit, “Albanian Student Association at the HSG”, për të folur jo për ngjarjet politike në Kosovë, por përceptimin e debatit si temë që do të debatohej në këtë takim me studentë dhe bashkatdhetarë.
“Bisedë në lidhje me përceptimin” ishte motoja e ftesës së studentëve për këtë takim. Kryetari i studentëve, Andi Dyla kishte dashur t’i shmangte ndasitë politike në mesin e studentëve dhe mërgimtarëve të interesuar për Albin Kurtin.
Kurti që foli në pjesën më të madhe të paraqitjes së tij mbi jetën e tij studentore, vuajtjet në burgjet serbe dhe angazhimi i tij politik në Kosovën e pasluftës, themelimin e Lëvizjes Vetëvendosje, situatën e jetën në Kosovë, nuk la anash as kontriboutin e mërgatës shqiptare të Zvicrës.
Një e dhënë interesante sipas tij janë reminitencat e mërgatës, të cilat nuk janë duke u zvogëluar, deklaroi ai.
“Ka një mit që mërgata nuk po sjell para në Kosovë si përpara. Kjo nuk është e vërtetë”, tha ai.
“Nga viti 2012 e deri më tani vetëm sa janë rritur të ardhurat nga diaspora. Solidariteti familjar është edhe më tutje shumë i fuqishëm”, deklaroi Kurti.
Por ai u ankua se ky solidaritet po përfundon me blerjen e mallrave të gatshme nga importi.
“Do të ishte mirë ta kemi një bankë të mërgatës”, shprehu ai dëshiren për një organizim më të mirëfilltë të mërgatës shqiptare në Zvicër. Duke veçuar, siç tha ai, një fond të mërgatës që do të ketë përparësi sa i përket investimeve e të kyçet edhe në ekonominë e vendit tonë, e jo vetëm në mirëqenie ekzistenciale, ku blejnë kryesisht rroba dhe ushqim”, tha ai mes tjerash në debatin me studentë e shumë bashkatdhetarë të interesuar për të.
Pyetja standarde që e dëgjojnë të rinjtë tanë gjatë pushimeve në Kosovë; se a është më mirë këtu a atje, iu shtrua kësaj here Kurtit në mënyre ironike, i cili me një dozë humori, tha se ajo çka është më e mirë dhe ajo që të pëlqen jo gjithmonë përputhen. “Natyrisht, këtu janë kushtet jetësore shumë më të mira, mirëpo megjithatë mendoj që më mirë është atje”, tha ai.
Takimet me liderin e Lëvizjes Vetëvendosje do të vazhdojnë në ditët në vijim në Cyrih, Lozanë dhe Gjenevë.
Të tjera nga Tema nga terreni
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm