“Pas fundosjes tash e 2 vjet të Manifestimit tradicional “Kultura pejane ndër vite”, në këtë vit, Komuna e Pejës, ka fundosur edhe Manifestimin bindshëm më të rëndësishëm tradicional të kësaj fushe – Peja pret diasporën”, kështu thuhet në reagimin e AAK-së.

Kjo parti opozitare e bënë fajtor kryesor për këto dështime drejtorin e kulturës Engelbert Zefajn. Sipas AAK-së, Zefaj për të mbuluar dështimin e manifestimit tradicional në fjalë, po përdorë pozitën prej drejtori, duke shfrytëzuar mediat për propagandë improvizuese.

“Për të demonstruar ironinë, kjo qeverisje me ditët e numëruara, për këtë traditë nuk ka marrë as më të voglin mund – të paktën një pano … Mirëseardhjeje … për diasporën nuk e ka vënë në qytet. Mos të flasim për, ndonjë koncert, vizitë pikave atraktive turistike, objekteve të trashëgimisë, organizimeve sportive, rinore, kulturore”, thuhet në reagimin e AAK-së, citon Kpress.

Qeverisja Komunale e Pejës, sipas opozitës, është përgjegjëse dhe fajtore për shuarjen e Manifestimit tradicional “Peja prej Diasporën” me të cilin projekt është organizuar pritja për mërgimtarët “që aq shumë bënë për Pejën e Kosovën dhe ky veprim injorues ndaj megrimtarëve duhet të ndryshon menjëherë”, transmeton.Ch.