Edhe ministrat nën llupën e prokurorëve

Në periudhën janar-shtator të këtij prokuroritë e Kosovës kanë identifikuar gjithsej 662 lëndë me elemente të korrupsionit

As ministra të Qeverisë dhe as zyrtarë të lartë nuk kanë shpëtuar nga hetimet e prokurorëve të Kosovës.

Të gjitha këto hetime që janë bërë gjatë nëntë muajve të fundit kanë lidhje me dyshimet për korrupsion.

Gjithsej 662 lëndë me elemente të korrupsionit janë duke u hetuar nga Prokuroria e Shtetit. Këto të dhëna u bënë publike të premten nga Grupi i Prokurorëve kundër korrupsionit.

Koordinatorja për lëndë kundër korrupsion, prokurorja e qarkut, Drita Hajdari ka thënë se nga 835 persona që po hetohen për shpërdorim të pozitës zyrtare ose autorizimit ka edhe njerëz të profilit të lartë.

Ajo ka deklaruar se shqyrtimi i tyre ka filluar duke u hequr pluhurin lëndëve që kanë për shumë vjet kanë fjetur nëpër sirtarë të prokurorive.

“Në periudhën janar-shtator të këtij prokuroritë e Kosovës kanë identifikuar gjithsej 662 lëndë me elemente të korrupsionit. Nga ky numër nga vitet e mëparshme janë trashëguar 223 lëndë ndërsa janë pranuar 439 lëndë të reja. Prej tyre 435 lëndë janë në fazën e hetimeve dhe 227 janë lëndë të regjistruara për grumbullimin e informative të nevojshme për fillimin e hetimit”, ka theksuar Hajdari.

Të gjitha këto prokurorja Hajdari i ka quajtur fillim të suksesit dhe gatishëmri të prokurorëve për luftimin e korrupsionit.

Ajo ka folur edhe për sfidat me të cilat janë ballafaquar prokurorët.

Sipas saj gjatë kësaj periudhe në secilën prokurori me lëndët kundër korrupsionit ka qenë i angazhuar vetëm një prokuror.