Cliff thotë se Serbia i di kushtet

Njëri nga shtetet më të fuqishme europiane, Britania e Madhe është duke insistuar që Serbia t’i plotësojë kushtet e kërkuara nga Komisioni Europian rreth Kosovës, nëse do që të fitojë statusin e kandidatit për anëtarësim në Bashkimin Europian.

Ambasadori i Mbretërisë së Bashkuar, Ian Cliff në një bisedë për Express, ka deklaruar se ky qëndrim i është bërë i qartë edhe Presidentit të Serbisë, Boris Tadic të mërkurën në Londër.

“Presidenti Tadiq ishte në Londër të mërkurën dhe ne ia bëmë të qartë se Serbia ka bërë mjaft gjëra pozitive, natyrisht ajo që dihet më së miri është dorëzimi i Mladiqit, por ende ka për të bërë rreth asaj që gjithnjë përshkruhet si bashkëpunim rajonal, por që natyrisht nënkupton marrëdhëniet me Kosovën”, ka thënë Cliff.

Diplomati britanik thotë se nuk është në dijeni se cili do të jetë vendimi i vendeve anëtare të BE’së më 9 dhjetor rreth kandidaturës së Serbisë, por sipas tij, kushtet që i janë përcaktuar asaj janë të qarta.