Burgim i përjetshëm për autorin e masakrës së Qyshkut

Burgim i përjetshëm është dënimi që ka shqiptuar Gjykata e Rrethit e Stockholmit për një 34 vjeçar serb nga Bosnja

Gjykata ka gjetur shumë fakte se ai ka qenë i përfshirë në masakrën ndaj shqiptarëve në fshatin Qyshk të Kosovës gjatë vitit 1999.

Provat janë bazuar nga shumë dëshmitarë, por edhe dëshmi tjera që i kanë mundësuar prokurorisë ta ndjek këtë procedurë deri në fund, transmetojnë mediet e Prishtinës.

Sipas prokurorëve, serbi është fajtor për së paku 31 vrasje. Por, gjykata e bënë përgjegjës për 29.

Serbi ishte i akuzuar për krime kundër njerëzimit,  për vrasje, për tentim vrasje dhe zjarrvënie të shtëpive në fshatin Qyshk të Kosovës në maj të vitit 1999.

Ndërsa dhjetë familjet ndaj anëtarëve të cilave u kryen krimet, do të marrin dëmshpërblim prej 150 – 200 mijë koronash, përkatësisht afërsisht nga 15 – 20 mijë eurosh secila.

Lajmi është publikuar nga shumë media të këtushme, por sipas ligjit për informimin publik, emri i këtij krimineli të dënuar, nuk është bërë publik.