Ekonomia në Shqipëri është prekur nga kriza

Këtë fakt e konfirmon Banka e Shqipërisë pas paralajmërimeve të institucioneve ndërkombëtare

Sipas institucionit me te larte monetar, Prodhimi i Brendshëm Bruto gjatë tremujorit te fundit të 2011 është vetëm 0.5%, nivel i ulet ky në raport me parashikimin, njësoj sa në tremujorin e dytë të viti që lamë pas, shkruajnë mediat e Tiranës.

Sipas të dhënave zyrtare, kjo situatë ka ndodhur si pasojë e rënies së konsumit nga ana e individëve, si për mallra dhe shërbime, ashtu edhe për kredi.

Në mënyrë të vazhdueshme Banka e Shqipërisë ka bërë apel që qytetarët të rritin konsumin pasi kohët e fundit shqiptarët janë stepur duke shfaqur frikë në shpenzimet.

Pas parashikimit të FMN se rritja ekonomike këtë vit pritet te jete vetëm 0.5 për qind, ekspertët dhe opozita shqptare mendojnë për një rishikim të buxhetit.

Si Fondi Monetar Ndërkombëtar, ashtu edhe Banka Evropiane për Rindërtim dhe Zhvillim, kanë dhënë një parashikim të përkeqësuar për ekonominë e Shqipërisë për  sivjet.