Apostolova kërkon nga liderët të mos jepen afate për vizat

Shefja e BE-së në Kosovë, Nataliya Apostolova, në hapjen e fushatës për liberalizim të vizave, ka kërkuar nga liderët që të mos nxitojnë në “dhënien e afateve artificiale”. Apostolova ka thënë se nëse nuk respektohen kërkesat ose kriteret, vizat mund të pezullohen.

 

Me paralajmërimet për sanksionime dhe me rekomandimin nga BE-ja që të mos jepen afate artificiale për liberalizim të vizave, ka nisur fushata vetëdijesuese për këtë proces.

Shefja e BE-së në Kosovë, Nataliya Apostolova, në hapjen e fushatës për liberalizim të vizave, ka kërkuar nga liderët që të mos nxitojnë në “dhënien e afateve artificiale”. Apostolova ka thënë se nëse nuk respektohen kërkesat ose kriteret, vizat mund të pezullohen.

Të njëjtën gjë e ka pohuar edhe kryeministri Haradinaj, i cili ka thënë se e drejta e lëvizjes vjen me përgjegjësi, që qytetarët është mirë t’i dinë. E ministrja Hoxha ka thënë se procesi i liberalizimit të vizave ka qenë sfidues, si për institucionet, ashtu edhe për BE-në. Ajo kësaj radhe nuk ka përmendur periudha kohore, por ka thënë se jemi një hap afër heqjes së vizave.

Kryeministri Haradinaj ka pasur një takim me ambasadorët e shteteve të Quint-it, të cilëve u ka thënë se vendi është në rrugën e duhur për liberalizim të vizave dhe lufta kundër krimit të organizuar është prioritet i qeverisë.

 

---