Efekti Brexit, funte bie ndaj euros dhe dollarit

Monedha britanike ka shënuar 1,357 pikë kundrejt asaj evropiane dhe 1,3 pikë ndaj dollarit amerikan

Funte ra ndaj euros dhe dollarit, pas shpalljes së dorëheqjeve të ministrave për shkak të mosdakordësisë ndaj marrëveshjes mes Bashkimit Evropian dhe Britanisë së Madhe për Brexit.

Monedha britanike ka shënuar 1,357 pikë kundrejt asaj evropiane (më pak se 1,08%) dhe 1,3 pikë ndaj dollarit amerikan, pas një fillimi pozitiv të ditës, të karakterizuar gjithashtu nga shenja plus e indeksit FTSE në bursën e Londrës.

Ministri britanik i ngarkuar për Brexit, Dominic Raab paraqiti dorëheqjen, për shkak të kundërshtimit të tij të projektmarrëveshjes për Brexit të arritur nën drejtimin e kryeministres Theresa May me Bashkimin Evropian, transmeton ‘Scan’.

Edhe sekretari britanik i Shtetit për Irlandën e Veriut, konservatori Shailesh Vara njoftoi dorëheqjen për shkak të qëndrimit kundër projektmarrëveshjes për Brexit të arritur nga qeveria britanike me Bashkimin Evropian, përcjell albinfo.ch.

---