Hiqet logoja e “Vitit të Skënderbeut” nga dokumentet

Të gjitha dokumentet zyrtare nga dita e sotme në Shqipëri nuk do të kenë më logon kombëtare në kuadër të “Vitit Mbarëkombëtar të Gjergj Kastriot-Skënderbeut”. Lajmin e ka bërë të ditur nga Drejtoria e Përgjithshme e Arkivit të Shtetit, transmeton TCH, shkruan albinfo.ch

“Në zbatim të vendimit të Komisionit Shtetëror për Vitin Mbarëkombëtar Gjergj Kastriotit-Skënderbeut, Këshilli i Lartë i Arkivave miratoi para një viti vendimin nr. 12, që modelet e dokumenteve administrative të përmbanin logon kombëtare në kuadër të ‘Vitit Mbarëkombëtar të Gjergj Kastriot-Skënderbeut’, e detyrueshme për zbatim nga gjithë administrata shqiptare. Nga dita e sotme dokumentet zyrtare nuk do të kenë më këtë logo”, thuhet në njoftimin për shtyp të Drejtorisë së Përgjithshme të Arkivit.