Shqipëria
Gënjeshtrat e politikanëve me diploma
Sadri Abazi është një i tillë, i cili kursin e shoferëve në Gjenevë e ka paraqitur sikur të ketë mbaruar një universitet
Top Story, emisioni investigativo-politik në Top Channel ka sjellë mbrëmë në vëmendjen e publikut arsimin që kanë deputetët, ministrat dhe ish-ministrat shqiptarë.
Duke analizuar me kujdes CV-të dhe karrierën e figurave kryesore të politikës, Top Story tregoi se disa prej tyre nuk kanë pasur diplomë universiteti në kohën kur janë bërë deputetë. Madje disa kanë gënjyer për llojin e studimeve që kanë mbaruar, përcjell albinfo.ch.
Lefter Koka, ish-kryetar bashkie i Durrësit, ish-ministër i Mjedisit dhe deputet në parlament që nga viti 2009, është bërë deputet pa arsim të lartë.
Një rast tjetër që mori në konsideratë emisioni Top Story është ai i Niko Peleshit. Ish-zëvendës i kryeministrit dhe ish-ministrit të Bujqësisë në qeverinë e Edi Ramës, të cilit iu deshën 13 vjet që të mbaronte universitetin.
Një rast i ngjashëm është edhe ai u deputetit socialist Rrahman Rrahja, i cili ka mbaruar universitetin 27 vjet pas shkollës së mesme. Top Story zbuloi sesi deputetë qe mbarojnë kurse të rëndomta jashtë Shqipërisë, i vendosin më pas në CV sikur kanë mbaruar studime të larta.
Sadri Abazi është një i tillë, i cili kursin e shoferëve në Gjenevë e ka paraqitur sikur të ketë mbaruar një universitet. Top Story u ndal edhe në rastin skandaleve të doktoraturave plagjiaturë.
Taulant Balla, deputet dhe Kryetar i Grupit Negociator të Kuvendit në Parlamentin Europian rezulton që doktoraturën e tij nuk e ka origjinale. Sipas dokumenteve ekskluzive, dokumentari tregoi se si i gjithë kapitulli 5-të i kësaj doktorature është plagjiaturë.
Balla e ka vjedhur atë informacion, nga një punim shkencor i “Qendrës Për Kërkime Politike Europiane” në Bruksel. Material i botuar në vitin 2009 dhe e mbrojtur me të drejtat e autorit. Emisioni Top Story do të vijojë të denoncojë çdo shkelje, që prek direkt ose indirekt jetën e qytetarëve shqiptarë.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas