Filmi “The Remigrant”, nga Alihajdaraj, u shfaq në New York

Elemente të një familje shqiptare, si migrimi, harmonia, edukimi, janë prezantuar në mbrëmjen e së dielës në “Queens World Film Festival” në New York, nëpërmjet filmit “The Remigrant”,  ku ishte edhe në selektim zyrtar.

“The Remigrant” me regji të Astrit Alihajdarajt është shfaqur në Historic Zukor Theatre, film i cili e sjell për herë të parë Alihajdarajn në rolin e regjisorit, pasi që i njëjti para këtij filmi është njohur vetëm për punën e tij si aktor.

“The Remigrant” është filmi, i cili e sjell për herë të parë në rolin e regjisorit aktorin e njohur Astir Alihajdari. Ky film zgjat 18 minuta dhe flet për shumë tema në të njëjtën kohë. Migrimi, harmonia në familje, edukimi i fëmijëve, janë disa nga temat që jetësohen përmes aktorëve: Florist Bajgora, Ilire Vinca, Veton Osmani dhe Leze Qena.

“The Remigrant” ishte pjesë e edicionit të 15-të të festivalit “Tirana International Film Festival”, ky film ishte prezantuar më 8 dhjetor edhe në “This Human World Film Festival” në Vjenë, sikurse që është prezantuar edhe në disa ngjarje të tjera.