Turizëm
Mbi 200 kompani turistike nga rajoni mblidhen në Shqipëri
“Le ta zbulojmë Shqipërinë përmes aventurës” është thirrja që iu drejtohet vizitorëve në hyrje të panairit
Në Tiranë ka filluar edicioni i tretë i Panarit Ndërkombëtar të Turizmit, që ka bërë bashkë kompani turistike nga vende të ndryshme të rajonit, shkruan albinfo.ch.
“Le ta zbulojmë Shqipërinë përmes aventurës” është thirrja që iu drejtohet vizitorëve në hyrje të panairit.
Por ata do të kenë mundësinë të zbulojnë më shumë se sa Shqipërinë, sepse në këtë panair po prezentohen mbi 200 kompani turistike nga mbarë rajoni.
Ky panair, që organizohet nga Agjencia Kombëtare e Turizmit, mëton të promovojë turizmin në Shqipëri por edhe të vendeve të tjera të rajonit, duke mundësuar bashkëpunim mes kompanive të ndryshme.
E përmes paketave të ndryshme turistike, këto kompani po prezentojnë edhe vlerat kulturore të vendeve prej nga operojnë. Po ashtu po promovohen edhe produkte ushqimore të vendeve përkatëse.
Në kuadër të këtij organizimi janë mbajtur edhe punëtori e masterklasa, kanë njoftuar organizatorët.
Në këtë panair po prezentohet edhe Kosova, me 26 kompani, përmes Shoqatës së Turizmit Alternativë të Kosovës (KATA).
“Sikur edhe vitet e kaluara, Kosova po prezentohet me 26 kompani turistike dhe hoteliere. Falë organizimit nga Shoqata e Turizmit KATA, kontributit të bizneseve dhe SwissContact-PPSE, arritëm që edhe këtë vit të prezentojmë potencialet turistike dhe ofertat për Kosovën, të përpiluara nga agjensionet turistike”, ka njoftuar kryetari i KATA-s, Baki Hoti.
Në këtë panair është prezenatuar edhe magazina e palformës albinfo.ch në Zvicër „Shqipëria përtej bregdetit“, ku shkruhej gjerë e gjatë, me një laramani temash, për turizmin në Shqipëri, në veçanti turizmin malor, kulturor e kulinarik.
Pjesë e panairit ka qenë edhe “RisiAlbania”, projekt përmes së cilit synohet krijimi i vendeve të punës dhe mundësive të punësimit për të rinjtë e moshës 15-29 vjeç.
Përndryshe, “RisiAlbania” është projekt i Agjencisë Zvicerane për Zhvillim dhe Bashkëpunim, që implementohet bashkë me “Helvetas and Partners Albania” në bashkëpunim me zyrën e Zëvendëskryeministrit në Shqipëri.
Edicioni i sivjetshëm i panairit do të zgjasë deri më datën 6 prill 2019.
Panairi Ndërkombëtar i Turizmit, pos AKT-së, mbështetet nga organizata “Visit Albania”, Ambasada Italiane në Shqipëri, Agjencia Italiane për Bashkëpunim dhe Zhvillim, Natura 2000 dhe Prestige Resort./Albinfo.ch/
albinfo.ch
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla