Bashkia e Durrësit merr masa për sezonin turistik

Derdhja e ujërave të zeza në det është një problematikë që ka shoqëruar ndër vite qytetin e Durrësit, duke e penguar në një formë edhe sezonin turistik.

Për të rregulluar këtë çështje drejtuesit e Bashkisë së Durrësit kanë nisur punën që ky problem të zgjidhet, përcjell albinfo.ch.

Drejtori i Ujësjellës Kanalizimeve, Spartak Kovaçi  ka deklaruar se të gjitha bizneset dhe banesat në vijën bregdetare janë lidhur me impiantin e trajtimit të Ujërave të Zeza.

“Nga ura e Dajlanit deri tek përroi i Agait të gjithë qytetarët, të gjithë bizneset janë të lidhura me rrjetin e kanalizimeve. Këto kanalizime shkojnë në impiantin e trajtimit që është në Shën Avlash dhe nga aty përpunohen dhe dalin të pastra në det. E gjithë kjo zonë nuk ka më gropa spektike dhe nuk ka më derdhje në det të ujrave të zeza”, ka thënë ai.

Para nisjes zyrtare të sezonit, Durrësi pritet të vërë në funksionim edhe ujësjellësin e ri.