5 banka dënohen në Zvicër me 90 milionë franga

Barclays u gjobit me 27 milionë franga, Citigroup me 28.5 milionë franga, JPMorgan me 9.5 milionë franga, MUFG Bank me 1.5 milionë franga dhe RBS 22.5 me milionë franga

Pesë banka të rëndësishme janë gjobitur me një total prej 90 milionë franga zvicerane për bashkëpunim me platformën e këmbimeve valutore me shumë miliardë dollarë, tha autoriteti i konkurrencës së Zvicrës.

Gjobat zvicerane vijnë në krye me rreth 1.07 miliardë euro të totalit të gjobave të dhëna nga Bashkimi Evropian muajin e kaluar.

Barclays, Citigroup, JP Morgan dhe Royal Bank of Scotland u dënuan të gjithë nga autoriteti zviceran, i njohur si WEKO.

Ai gjeti “disa marrëveshje anti-konkurruese midis bankave në tregtinë e spoteve të këmbimit valutor”.

Gjithashtu pjesë e listës ishte dhe MUFG Bank i Japonisë për pjesën e saj në mashtrimet që përfshinin tregtarët që koordinonin aktivitetet e tyre nëpërmjet biseda online (chatrooms).

Tregtarët nga Barclays, Citigroup, JPMorgan, Banka Mbretërore e Skocisë dhe UBS morën pjesë në të ashtuquajturin kartelë “Tre mënyrat e banana-split” nga 2007 në 2013, tha WEKO, transmeton ‘Scan’.

Pjesëmarrësit në kartelën ‘Essex express’ që u zhvilluan nga 2009 në 2012 ishin tregtarë nga Barclays, MUFG Bank, RBS dhe UBS, përcjell albinfo.ch.

Konkretisht Barclays u gjobit me 27 milionë franga, Citigroup me 28.5 milionë franga, JPMorgan me 9.5 milionë franga, MUFG Bank me 1.5 milionë franga dhe RBS 22.5 me milionë franga, përcjell albinfo.ch.

UBS nuk u dënua për shkak se u zbuloi kartelat autoriteteve të konkurrencës i pari, ndërsa një hetim është ende në proces për Credit Suisse.

WEKO tha se kishte mbyllur hetimet për Julius Baer dhe Zuercher Kantonalbank. “Credit Suisse po vazhdon të bashkëpunojë plotësisht me procesin e hetimit të WEKO dhe synon të kundërshtojë fuqishëm substancën e akuzave”, tha një zëdhënës i bankës zvicerane.

---