Bota
Kujdes nga ekstremistët në Rusi… dhe gratë!
Pasagjerët e aeroportit të qytetit uzbek, Namangan, të cilët udhëtojnë në Rusi, ushqehen me predikime islame rreth besnikërisë, rreziqeve nga ekstremizmi fetar dhe gratë ruse. Qëllim kryesor i fushatës së Uzbekistanit me imamë që predikojnë në aeroport thuhet se është mbajtja e njerëzve larg grupeve terroriste dhe ekstremiste. Një video e postuar në mediat uzbeke sociale më 15 korrik e tregon një imam duke iu adresuar pasagjerëve përpara se të hynin në avion drejt Rusisë.
I shoqëruar nga një punonjës i aeroportit, imami i paralajmëron pasagjerët kundër organizatave terroriste që ai i përshkruan si “një nga kërcënimet më të mëdha të kohës sonë”. Ai i thotë masës që të jetë “vigjilente ndaj grupeve terroriste që veprojnë me maskën e Islamit” dhe përpiqen të rekrutojnë njerëz, sidomos ata që kërkojnë njohuri fetare në internet. “Kjo ndodh veçanërisht me punëtorët migrantë në Rusi”, thotë imami Abduvosit.
“Nëse keni nevojë për informacion rreth Islamit ose dëshironi t’i zgjeroni njohuritë fetare, ju mund të gjeni lehtësisht informata të tilla në faqet e internetit të Uzbekistanit, të tilla si muslim.uz, islom.uz, ose ravza.uz”, shpjegon imami. Muslim.uz është faqja zyrtare e Departamentit shtetëror të Çështjeve Islame, ndërsa ravza.uz drejtohet nga zyra rajonale e këtij departamenti në qytetin Namangan.
I kontaktuar nga Radio Evropa e Lirë, një zyrtar në Aeroportin Ndërkombëtar Namangan konfirmoi se predikimet kryhen në kuadër të fushatës shtetërore kundër ekstremizmit.
Në të kaluarën, Uzbekistani ka dërguar imamë dhe figura të tjera islamike në Rusi për të takuar migrantët uzbekë dhe për t’i paralajmëruar ata kundër grupeve ekstremiste dhe terroriste. Nuk dihet nëse predikimi i imamëve po ndodh edhe në aeroporte të tjera në Uzbekistan.
Të ngjashme
Të tjera nga Bota
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut