“Kundër racizmit”, në Prishtinë protestohet për 11-vjeçarin e vrarë

Nga pamjet e KP

Qytetarët në Prishtinë sot kanë protestuar nën moton “Kundër racizmit”, përcjell albinfo.ch.

Marshi protestues u organizua si reagim i shoqërisë civile ndaj, siç thanë ata, mosreagimit të institucioneve për 11-vjeçarin nga Fushë-Kosova, i cili u gjet i vrarë ditë më parë. Ndërkaq, siç raportuan mediat në Kosovë, viktima ishte përdhunuar nga një i rritur.

Aktivisti Gazmend Qyqalla ka thënë se shteti i Kosovës po dështon në mbrojtjen e qytetarëve të vet.

“Rasti i përdhunimit dhe vrasjes së një fëmije është një ngjarje e tmerrshme që po na e përplas në fytyrë racizmin e normalizuar të shoqërisë sonë. Për këtë, institucionet kanë faj, duke ia nisur nga shkolla e deri te policia e prokuroria, që po tregojnë se disa jetë vlejnë më pak, e përdhunimet nuk merren seriozisht”, ka thënë ndër të tjera Qyqalla.

Protestuesit gjatë marshimit kanë mbajtur në duar pankarta me mbishkrimet “Shtet vrasës”, “Razicmi vret”, “Deri kur ma” e të tjera, përcjell albinfo.ch.