Ambasada e Francës: Koncerti i Erza Muqollit ishte një sukses i madh

Foto: Nok Selmani (KultPlus)

Këngëtarja e re shqiptare, Erza Muqolli, dje ka mbajtur një koncert dhe mbrëmje artistike në Prishtinë, përcjell albinfo.ch.

Talentja kosovare, që po mahnit publikun francez dhe jo vetëm, mbrëmë mblodhi plot adhurues të muzikës në Bibliotekën Universitare të Kosovës.

Lidhur me koncertin e Erzës kanë shkruar edhe nga Ambasada e Francës në Kosovë, duke e vlerësuar si një sukses të madh.

“Koncerti i talentes së re Ezra Muqolli mbrëmë ishte një sukses i madh. Duke interpretuar disa këngë klasike franceze, si dhe këngën e saj më të re “Je chanterai”, Ezra shprehu gjithë talentin e saj, i përshëndetur me duartrokitje frenetike. Cécile Fisteberg, Këshilltare për bashkëpunim dhe veprim kulturor në Ambasadën e Francës, përshëndeti artisten e re si një ambasadore e Frankofonisë në Kosovë: “Kultura tejkalon të gjithë kufijtë, Ezra dëshmon për këtë”, kanë shkruar nga Ambasada franceze, përcjell albinfo.ch.

Muqolli erdhi në Prishtinë në kuadër të projektit “Ta zbardhi ftyrën”, që organizohet nga media për kulturë, KultPlus.