Ekspertë zviceranë ligjërojnë për përmirësimin e sigurisë së pacientëve

Qëllimi i kësaj konference është për të përmirësuar sigurinë e pacientëve përmes praktikës bashkëpunuese mes mjekëve dhe infermierëve.

Po ashtu, në këtë konferencë u tha se përmirësimi i sigurisë së pacientit është një nxitës i fortë për ndryshim, veçanërisht për të parandaluar ose shmangur ngjarjet anësore. Gjatë konferencës do të flitet edhe për komunikimin, i cili përfshin mbi dy të tretat e ngjarjeve anësore të parandalueshme në kujdesin ndaj pacientit, përcjell albinfo.ch.

Në grupe më të vogla, kjo seancë ndërvepruese do të përqendrohet jo vetëm në përmbajtje, por edhe në strukturën dhe qëllimin e komunikimit.

Rëndësi e veçantë do t’u kushtohet protokolleve që udhëzojnë kujdesin e pacientit, duke siguruar një proces të strukturuar.

Duke përdorur shembuj për menaxhimin e dhimbjes dhe/ose administrimin e hipoglikemisë, kjo seancë në grupe të vogla do të ofrojë mundësi për të ilustruar si një protokoll mund të mbështesë bashkëpunimin ndërprofesional.