Lajme
Shtatë vende evropiane lëshojnë certifikatën e udhëtimit
Nga data 1 qershor, Bullgaria, Çekia, Danimarka, Gjermania, Greqia, Kroacia dhe Polonia kanë filluar lëshimin e certifikatave të para të udhëtimit COVID 19, një muaj përpara se këto certifikata të hyjnë në fuqi për të gjitha vendet anëtare të unionit.
Certifikata do të jetë në dispozicion në formë digjitale ose letër, do të jetë pa pagesë, do të jenë në gjuhën angleze dhe kombëtare e do të lëshohet nga autoritetet e secilit shtet. Sistemi lejon që të verifikohen elementet e sigurisë së të gjitha kodeve Quick response të certifikatave.
Alberto Alemanno, Profesor i politikës së ligjit të BE në HEC Paris, tha për Euronews se sistemi do të vinte në provë bashkëpunimin midis vendeve të BE, pasi shumë prej tyre kanë kërkuar të zbatojnë rregullat e tyre të lëvizjes mes pandemisë.
Plani i BE-së është që një sistem i vetëm të lehtësojë udhëtimin e sigurt duke verifikuar statusin e udhëtarit, pra të verifikojë nëse është vaksinuar me të dyja dozat, ka një test negativ apo dëshmi se është shëruar plotësisht nga virusi. BE u ka dhënë mundësi shteteve anëtare që të jenë ato të vendosin nëse në liste do të shtojnë edhe vaksinat të cilat nuk janë aprovuar nga EMA.
Komisioneri i BE për Tregun e Brendshëm, Thierry Breton, tha se nisma e shtatë shteteve anëtare është “një fillim i mirë” dhe inkurajoi të tjerët të ndiqnin.
Certifikata COVID 19 e cila hyn në fuqi më 1 korrik do të jetë e vlefshme në të gjitha Shtetet Anëtare të BE-së, si dhe Islanda, Lihtenshtajni, Norvegjia dhe Zvicra. Marrëveshja thekson se certifikata COVID ‑ 19 nuk do të shërbejë si një dokument udhëtimi dhe nuk do të bëhet parakusht për të ushtruar të drejtën e lëvizjes së lirë brenda BE.
Sipas marrëveshjes, rregulloret që krijojnë certifikatën COVID – 19, do të jenë në fuqi vetëm për 12 muaj, përkatësisht deri më 1 korrik 2022. Ende nuk ka një vendim sesi do të funksionojë lëvizja me vendet e Ballkanit Perëndimor./euronews
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Fillon Programi kundër ngacmimit në Gjenevë Gjeneva do t’i detyrojë të gjithë ata që punojnë për kantonin dhe janë në kontakt me...
-
Sondazhi: Aeroplani, mënyra më popullore për të shkuar me pushime për zviceranët
-
Zyra e Raportimit të Pastrimit të Parave në Zvicër regjistron një numër rekord raportimesh
-
Linja ajrore SWISS rifillon fluturimet e saj drejt Iranit
-
Udhëtimi me tren nga Zvicra në këto qytete italiane do të ndërpritet për tre muaj