Policia e Cyrihut paralajmëron për mashtrime në lidhje me luftën në Ukrainë

Mashtruesit përpiqen që, duke gënjyer, të kërkojnë para duke bërë thirrje për donacione në faqe të ndryshme të internetit

Departamenti  për krimin kibernetik në lkuadër të Policisë Kantonale të Cyrihut paralajmëron për mashtrime në lidhje me luftën në Ukrainë, transmeton albinfo.ch. Mashtruesit përpiqen që, duke gënjyer, të kërkojnë para duke bërë thirrje për donacione në faqe të ndryshme të internetit.

Ata shpesh pretendojnë se ofrojnë ndihmë të drejtpërdrejtë për refugjatët ukrainas dhe për viktimat e luftës, shkruan cybercrimepolice.ch.

Për më tepër, mashtruesit dërgojnë emaile me premtime për investime ose para që pretendohet se vinin nga shtetas  të dëshpëruar dhe të pasur, ukrainas.

Mashtruesit paraqiten gjithashtu si hakerë ukrainas dhe përpiqen të zhvasin pagesa kripto nga viktimat. Informacione të mëtejshme janë në dispozicion këtu: cybercrimepolice.ch.

---