Thirrje për statistë

Në këtë skenë janë të ftuar të gjithë ata që duan të jenë pjesë e një filmi kosovar

Regjisorja Aulona Selmani, me anë të një njoftimi ka bërë thirrje për ndihmë për realizimin e një pjese të filmit kosovar. Thirrja është për statistë për filmin “A Question Of Balance”, përcjell albinfo.ch.

Përmbajtja e skenës: Njerëzit duke u falur në xhami me personazhin kryesor të filmit, Dautin, i cili përfaqëson një të mbijetuar të masakrës në një fshat të Kosovës, ku ai ka humbur të gjithë familjen e tij, përfshirë djalin e tij. Nuk ka dialog apo ndonjë gjë të komplikuar.

Në këtë skenë janë të ftuar të gjithë ata që duan të jenë pjesë e një filmi kosovar, që ka si temë kryesore luftën në Kosovë dhe traumat e shkaktuara nga ajo luftë. Është një mundësi për t’i treguar botës tmerret që një luftë mund t’u shkaktojë njerëzve dhe për të treguar faktin se pothuajse askush nuk dënohet për këto krime.

Kërkojmë ndihmën tuaj për realizimin e kësaj skene e cila në thelb është shumë e thjeshtë, por që përmban një të vërtetë shumë të vështirë.

Ngjarja do të zhvillohet më 26.06. 2022 10:00 – 13:00 Bazel, xhami, Pratteln

Muttenzerstrasse 109, 4133

kontakt: Xheni Alushi [email protected]

 

---