Walker, i gatshëm të dëshmojë në Hagë për ish-krerët e UÇK-së

albinfo.ch

Bernard Kouchner, William Walker, Wesley Clark, James Rubin, këta janë disa nga profilet e larta, për të cilët avokati i ish-presidentit të Kosovës, Hashim Thaçi, Gregory Kehoe, ka paralajmëruar se do t’i ftojë si dëshmitarë në Hagë, përcjell albinfo.ch.

Dhe tashmë njëri prej tyre duket se është i gatshëm të dëshmojë në Hagë për ish-krerët e Ushtrisë Çlirimtarë të Kosovës.

Ambasadori amerikan thotë se vetëm duhet t’ia tregojnë datën se kur mund të paraqitet për të dëshmuar për ish-krerët e Ushtrisë Çlirimtare të Kosovës.

“Do të isha shumë i lumtur që të dëshmoja në emër të Hashim Thaçit, Kadri Veselit, Jakup Krasniqit dhe Rexhep Selimit, nëse më kërkohet një gjë e tillë. Unë jam i gatshëm të paraqitem kurdo që më thërrasin avokatët ose gjykata, ata krejt çka duhet të bëjnë është të ma tregojnë datën”, tha ai për TV1.

Tutje, Walker është shprehur shumë kritik ndaj Gjykatës Speciale.