Lajçak jep detaje për takimin e 2 majit

I dërguari i Bashkimit Evropian për Dialogun, Miroslav Lajçak, ka njoftuar për agjendën që do të ketë takimi mes kryeministrit të Kosovës, Albin Kurti dhe presidentit të Serbisë, Aleksandar Vuçiq. ”Agjenda do të përfshijë miratimin zyrtar të Deklaratës për Personat e Zhdukur, prezantimin e draft Statutit të parë të Asociacionit/Bashkësisë së komunave me shumicë serbe në Kosovë nga ekipi menaxhues dhe çështjet aktuale”, ka shkruar ai, përcjell albinfo.ch.

Tutje shton se palët do të duhet të udhëtojnë të përgatitura në Bruksel, që i bie Kosova do të duhej të dërgonte një draft të statutit të Asociacionit të komunave me shumicë serbe. “Prandaj ne presim që të dyja palët të vijnë në Bruksel të përgatitura mirë dhe plotësisht të përkushtuara në fazën e zbatimit”, përcjell albinfo.ch.