Gjendet trupi i pajetë i 4-vjeçarit në kanalin e Ibër Lepencit

Të martën rreth mesditës është gjetur trupi i pajetë i katërvjeçarit në kanalin e Ibër Lepencit në Bukosh të Vushtrrisë.

Forca e Sigurisë së Kosovës arriti të nxjerrë trupin e pajetë pas disa orësh kërkime.

Katërvjeçarin e lajmëroi si të zhdukur nëna e tij, e cila edhe njoftoi policinë se djali i saj ka rënë në kanal rreth orës 18:30 të së hënës.

Familjarët tregojnë se ai ishte duke luajtur me kushëririn e tij pranë kanalit në fshatin Akashticë të Vushtrrisë.